ბორჯომში უანგარო დონაციის აქცია გაიმართება

სისხლის გადასხმის აქცია ჰემატოლოგიის ინსტიტუტის სისხლის ბანკის წარმომადგენლების მიერაა ორგანიზებული. აქციის ორგანიზატორები განმარტავენ, რომ სისხლის უანგარო დონაცია უსაფრთხო პროცესია, მონაწილეობისათვის აუცილებელია დონორის ასაკი იყოს 18 -65 წლამდე, პირის წონა აჭარბებდეს 50 კილოს და იყოს მსუბუქად ნასაუზმევი.

სისხლის გადასხმის პროცედურასთან ერთად, ყველა დონორს შეაბამისი გამოკვლევებიც ჩაუტარდება. ჰემოგლობინი, ჯგუფი და რეზუსი დადგინდება ადგილზე. ხოლო, კვლევების პასუხებს ვირუსებზე, (შიდსი, სიფილისი, A ჰეპატიტი, B, ჰეპატიტი, C ჰეპატიტი) ყველა მონაწილე კონფიდენციალურად (დალუქულ კონვერტში), ჩაბარებიდან ერთი კვირის განმავლობაში მიიღებს.

აქციაში მონაწილე თითოეულ პირს ინსტიტუტის სახელით გადაეცემა "მადლობის სიგელი".

ჰემატოლოგიის ინსტიტუტის სისხლის ბანკიდან საქართველოს მასშტაბით 40-მდე კლინიკა მარაგდება. მათ შორის არიან როგორც ონკოლოგიური, ასევე ჰემატოლოგიური პროფილის კლინიკები.

[ლუბა გიორგაძე, ბორჯომი]