"მოდი ღამე მუზეუმში" – ახალციხეში აქცია გაიმართა [Photo]

სამინისტროს ინიციატივის ფარგლებში, ივ. ჯავახიშვილის სახელობის სამცხე-ჯავახეთის ისტორიის მუზეუმში შესვლა 27 მაისს, საღამოს საათებში უფასო იყო.

რაბათის კომპლექსში არსებულმა მუზეუმმა დამთვალიერებელი 21:00 –დან 01:00 საათამდე მიიღო.

ექსკურსიების გარდა, მუზეუმის ადმინისტრაციისა და ახალციხის მერიის კულტურის სამსახურის ორგანიზებით ღონისძიებაც გაიმართა. მოეწყო შემოქმედებითი საღამო და ახალციხის სამხატვრო სკოლის მოსწავლეთა ნამუშევრების გამოფენა, თემაზე – "ჩემი თვალით დანახული მუზეუმი".

მსგავსი აქცია 27 მაისს, ქვეყნის მასშტაბით ყველა მუზეუმში მიმდინარეობდა.













[sknews.ge]