პარლამენტთან განვითარებულ მოვლენებს საქართველოს საპატრიარქო ეხმაურება

ფოტო: მარი ნიკურაძე

"ჩვენი მოქალაქეები შესძრა ბოლო დროს თბილისში განვითარებულმა მოვლენებმა.მიუხედავად იმისა, რომ ნარკოტიკების გამავრცელებლებთან ბრძოლა როგორც ჩვენთვის, ისე ხელისუფლებისა და მთელი მოსახლეობისათვის აუცილებლებლობას წარმოადგენს, საზოგადოების ნაწილში ჩატარებულმა სპეცოპერაციამ კითხვები გააჩინა (თუმცა, შესაბამის უწყებას ამასთან დაკავშირებით თავისი პოზიცია აქვს); მაგრამ უნდა ითქვას ისიც, რომ უარყოფითი დიდი მუხტი შემოიტანა მთავრობის სასახლის წინ შეკრებილი ახალგაზრდების ნაწილის განცხადებებმა და ქცევამ და წარმოშვა საფუძველი კონტრ-აქციის ჩატარებისა", – ნათქვამია საპატრიარქოს მიერ გავრცელებულ განცხადებაში.

საქართველოს საპატრიარქო მიმართავს აქციის მონაწილეებს თავი შეიკავონ დაპირისპირებისგან.

საქართველოს პარლამენტის შენობასთან, რუსთაველის გამზირზე აქციის მონაწილეებს შორის ურთიერთობა უკიდურესად დაძაბულია. მობილიზებულია სამართალდამცველების უპრეცენდენტო რაოდენობა. ვრცელდება ინფორმაცია, რომ აქციის მონაწილეებთან შესახვედრად მიემართება შს მინისტრი გიორგი გახარია.

[sknews.ge]