ბიძინა ივანიშვილი 'ქართული ოცნების' თავმჯდომარედ აირჩიეს

დელეგატებმა პარტიის თავმჯდომარედ ბიძინა ივანიშვილის კანდიდატურა ერთხმად დაამტკიცეს.

„წარმოგიდგენთ ადამიანს, რომელმაც გარდამტეხი როლი ითამაშა საქართველოს უახლეს ისტორიაში. ადამიანს, რომელიც წლების მანძილზე უანგაროდ ემსახურება ჩვენს ქვეყანას, რომელსაც ყველაზე მეტად, შეუძლია გააძლიეროს „ქართული ოცნების“ პოლიტიკური ბირთვი და ახალი დინამიკა შესძინოს არამხოლოდ ჩვენს პარტიას, არამედ მთელ ქართულ პოლიტიკას და ქვეყნის განვითარებას“, - განაცხადა კახა კალაძემ.

“ოცნების” წევრებმა ასევე ერთხმად აირჩიეს პარტიის ახალი პოლიტსაბჭოს წევრებიც:გიორგი კვირიკაშვილი, კახა კალაძე,არჩილ თალაკვაძე,ირაკლი კობახიძე,თამარ ჩუგოშვილი,გიორგი ვოლსკი,ილია ნაკაშიძე, მამუკა მდინარაძე,დავით საგანელიძე,დიმიტრი სამხარაძე,ირაკლი ტრიპოლსკი, ბიძინა გეგიძე,მაია ცქიტიშვილი და სოზარ სუბარი.

[sknews.ge]