ბიძინა ივანიშვილი 'ქართული ოცნების' თავმჯდომარე იქნება

დღეს, 26 აპრილს, საქართველოს პრემიერ–მინისტრმა და პარტია "ქართული ოცნების" ლიდერმა გიორგი კვირიკაშვილმა განაცხადა, რომ ბიძინა ივანიშვილი პატრიის თავმჯდომარე გახდება.

"პირადად, ჩემი და მთელი გუნდის სახელით შევთავაზე და ვთხოვე ჩვენი პარტიის დამფუძნებელს, რომ სათავეში ჩაუდგეს პარტიას. მოხარული ვარ, რომ ბატონმა ბიძინა ივანიშვილმა თანხმობა განაცხადა. მას ყველაზე მეტად ძალუძს გააძლიეროს მთავარი პოლიტიკური ბირთვი, პარტიის თავმჯდომარის რანგში, შესძინოს მეტი და ახალი დინამიკა შემდეგი განვითარებისთვის მეტი ეფექტურობისთვის და პროგრესისთვის", - განმარტა გიორგი კვირიკაშვილმა.

პრემიერის თქმით, უახლოეს დღეებში პარტიის პოლიტსაბჭოს სხდომა გაიმართება – "როგორც პოლიტსაბჭო, ასევე მთელი საქართველოდან წარმოდგენილი დელეგატები, ერთხმად აირჩევენ ბიძინა ივანიშვილს ახალ თავმჯდომარედ. ასევე აირჩევენ პოლიტსაბჭოს ახალ შემადგენლობასაც".

შეგახსენებთ, რომ ბიძინა ივანიშვილი პოლიტიკიდან 2013 წელს წავიდა.

[sknews.ge]