'13 ლეგიონის' სპორტსმენი რუსეთის წარმომადგენელს შეებრძოლება

24 მაისს, შეჯიბრი სახელწოდებით M1 chalange92 სანკტ–პეტერბურგში ჩატარდება. ამირან გოგოლაძე რუსეთის სახელით გამოსულ თემირლან შარიპოვს შეებრძოლება.

შერეული ბრძოლების შეხვედრებს ორგანიზაცია M1 GLOBAL-ი მართავს.

გოგოლაძემ აღნიშნულ ორგანიზაციასთან კონტრაქტი გააფორმა, რომლის მიხედვითაც ათ სპორტსმენს უნდა შეებრძოლოს.
მიუხედავად იმისა, რომ გოგოლაძის მოწინააღმდეგე, როგორც თვითონ ამბობს, ძლიერია და ამას გარდა,“სამბოში“ რუსეთის ჩემპიონია, სპორტსმენს დიდი იმედი აქვს, რომ გაიმარჯვებს.

"საკმაოდ შემტევი მებრძოლია, თუმცა მე ძალიან მომზადებული ვხვდები მას", – ამბობს ამირან გოგოლაძე.

M1 chalange–ის ბრძოლებში ამირანი უკვე მესამე შეხვედრას გამართავს – "პირველი შეხვედერა ინგუშეთში მქონდა, მეორე სანკტ–პეტერბურგში, ორივე მოვიგე".

სანკტ–პეტერბურგში, შერეულ ორთაბრძოლებში მსოფლიოს სხვადასხვა კუთხის 24 მებრძოლი მიიღებს მონაწილეობას.

[მარიამ ბარძიმაძე, ახალციხე]