ჩინეთში, შერეულ ორთაბრძოლებში ახალციხელმა სპორტსმენმა გაიმარჯვა

ბრძოლა წესების გარეშე შეჯიბრი ჩინეთის ქალაქ ჟენგჟოუში, 6 იანვარს გაიმართა. მსოფლიოს სხვადასხვა ქვეყნებიდან 64 მონაწილეს შორის ახალციხელი მებრძოლი ამირან გოგოლაძე ერთადერთი იყო, რომელმაც პირველ რაუნდში მე–40 წამზე ნოკაუტით დაამარცხა ჩინელი მეტოქე.

სპორტსმენი შეჯიბრზე ტრამვირებული ხელით ასპარეზობდა.

„შეჯიბრს სხვა გამარჯვებულებიც ჰყავდა, თუმცა არცერთ მათგანს მეტოქე ნოკაუტში არ ჩაუგდია და ისე არ გაუმარჯვია, ეს მხოლოდ ჩვენმა სპორტსმენმა გააკეთა“, - აცხადებს კლუბ „13 LEGION“-ის პრეზიდენტი და მწვრთნელი მიხეილ მესხი. მისივე თქმით, ქართველი სპორტსმენი ტურნირის საუკეთესო მებრძოლადაც დაასახელეს.

ჩინეთში გამართულ შეჯიბრზე 64-მა მონაწილემ სულ 32 ბრძოლა გამართა.

როგორც „13 LEGION“'–ის პრეზიდენტი აცხადებს, ახალციხელი სპორტსმენები კიდევ ერთი ტურნირისათვის ემზადებიან, რომელიც ისევ ჩინეთში ჩატარდება, აქ ახალციხიდან მონაწილეობას სამი სპორტსმენი მიიღებს.

კლუბი, სახელწოდებით – „13 LEGION“, ახალციხეში 2014 წელს ჩამოყალიბდა. კლუბში 15-მდე პროფესიონალი სპორტსმენია შედის, რომელებიც სხავასხვა საერთაშორისო ჩემპიონატებში იღებენ მონაწილეობას. ამის გარდა, აქ ორთაბრძოლებით დაინტერესებული 50-მდე მოხალისე ირიცხება.

[ლუბა გიორგაძე, ახალციხე]