‘მესხეთი’ ხაშურის 'ივერიასთან’ დამარცხდა

ახალციხის „მესხეთი“ ხაშურის „ივერიას“, დღეს, პირველ მაისს, მიხეილ იაძის სახელობის სტადიონზე დაუპირისპირდა. მატჩი მასპინძელთა უპირატესობით წარიმართა, თუმცა მსაჯმა „მესხეთის“ ნახევარმცველს, ლაშა გორელიშვილს უხეშობისთვის მოედნი დაატოვებინა და 10 კაცით დარჩენილი მასპინძლები ანგარიშით 4-0 დაამარცხა. გუნდისთვის ეს ზედიზედ მეშვიდე მარცხი იყო.

„დღეს ძირითადი შემადგენლობის ოთხი ფეხბურთელი გვაკლდა, თუმცა მაინც კარგად ვთამაშობდით. ჩვენმა მეკარემ თერთმეტმეტრიანის მოგერიებაც მოახერხა. შემდეგ ნახევარმცველი გაგვიგდეს და მატჩზე კონტროლი დავკარგეთ. შესაბამისად წავაგეთ კიდეც", - ამბობს საფეხბურთო კლუბ „მესხეთის“ მთავარი მწვრთნელი გელა მაისურაძე.

ახალციხის „მესხეთი“ სატურნირო ცხრილში ბოლო ადგილზეა. ამჟამად გუნდის ძირითად შემადგენლობაში, თბილისიდან ჩამოყვანილი ფეხბურთელები თამაშობენ. მაისურაძე გუნდის გაძლიერებას ადგილობრივი ფეხბურთელების მოყვანით გეგმავს.

15 მაისს, ახალციხის „მესხეთი“ თბილისის „ქოჯაელს" შეხვდება.




[ავთანდილ ინასარიძე, ახალციხე]