,,მესხეთმა“ მესამე წარმატებული მატჩი ჩაატარა

„ფეხბურთის აკადემია მესხეთის“ და „ლიახვი აჩაბეთის“ შეხვედრა გუშინ, 9 მაისს გაიმართა. მატჩი მოწინააღმდეგეთა შეტევებით დაიწყო, თუმცა საბოლოო გამარჯვება ,, მესხეთმა“ მოიპოვა.

,,კარგი თამაში იყო, თავიდან მასპინძლები ლიდერობდნენ, მაგრამ მათი შეტევების მიუხედავად, მაინც გავიმარჯვეთ. საგოლე მომენტებიც მეტი გვქონდა. გამარჯვება პირველი ტაიმის 25–ე და მეორე ტაიმის 55–ე წუთზე გატანილმა გოლებმა მოგვიტანა“,– ამბობს გუნდ ,,მესხეთის“ მწვრთნელი გელა მაისურაძე.

მისივე თქმით, მოწინააღმდეგე გუნდი სატურნირო ცხრილში მათი უშუალო კონკურენტი იყო, თუმცა „მესხეთმა“ ერთი ქულით გაუსწრო.
„ფეხბურთის აკადემია მესხეთმა“ სულ შვიდი თამაში ჩაატარა, აქედან სამ შეხვედრაში გამარჯვება მოიპოვა.

საქართველოს რეგიონულ ლიგაში სულ 22 თამაში გაიმართება. მომავალ მატჩს ,,მესხეთი“ შინ, 16 მაისს ჩაატარებს. იგი თბილისის გუნდს "ვოიაჟს“ შეხვდება.

[მარიამ ბარძიმაძე, ახალციხე]