ჭვინთასა და ელიაწმინდამდე მისასვლელ გზას რეაბილიტაცია უტარდება

ჭვინთასა და ელიაწმინდამდე მისასვლელ გზაზე, სარეაბილიტაციო სამუშაობი 3 100 მეტრიან მონაკვეთზე მიმდინარეობს. ადგილზე ასფალტო-ბეტონის საფარი იგება.

სამუშაოები რეგიონული პროექტების ფონდიდან და ადგილობრივი ბიუჯეტიდან 864 781 ათასი ლარით ფინანსდება.

ადგილობრივი თვითმმართველობის ინფორმაციით, აღნიშნული პროექტით დასრულდება გზის რეაბილიტაციის მესამე ეტაპი და ჯამში რვა კილომეტრი სიგრძის გზა მოწესრიგდება. სამუშაოების დასრულების შემდეგ, დასახლების მცხოვრებლები ადმინისტრაციულ ცენტრს კეთილმოწყობილი გზით დაუკავშირდებან.

ამ ეტაპზე, ახალციხის მუნიციპალიტეტის მასშტაბით ცხრა საგზაო ინფრასტრუქტურული პროექტი მიმდინარეობს. ჯამში 18 050 კილომეტრის გზას ჩაუტარდება რეაბილიტაცია.

სამუშაოების მიმდინარეობის პროცესი სამცხე-ჯავახეთის მხარის გუბერნატორმა კახა სამხარაძემ, ახალციხის მუნიციპალიტეტის მერმა ზაზა მელიქიძემ და საკრებულოს თავმჯდომარემ გელა ნოზაძემ დაათვალიერეს.

[sknews.ge]