პატარები სტიქიური მოვლენების დროს

“ბუნებრივი კატასტროფების რისკის შემცირების ინკლუზიური პროგრამის” ფარგლებში, დღეს ადიგენის მუნიციპალიტეტის საბავშვო ბაღების აღსაზრდელებმა ღონისძიება გამართეს.

პროექტის ფარგლებში ტრენინგები ბუნებრივი კატასტროფების შემთხვევაში მოქცევის წესების შესახებ სამცხე-ჯავახეთის საბავშვო ბაღების აღმზრდელებმა გაიარეს. შემდგომ მათ მიღებული ცოდნა პატარებს გადასცეს.

’ჩვენ ჩავუტარეთ პედაგოგებს ტრენინგები, თუ როგორ უნდა მოიქცნენ, მიწის ძვრის, ღვარცოფის, ქარიშხლის, ხანძრის და სხვა სტიქიური მოვლენების დროს’, - ამბობს პროექტის ტრენერი ირმა ქურდაძე.

ქურდაძის თქმით, ადიგენი არის, იმ მუნიციპალიტეტებს შორის, რომელმაც სასწავლო კურიკულუმში შეიტანა სავალდებულო საგნად კატასტროფული რისკების შემცირება: ’ამ ყველაფერში დიდი წვლილი მიუძღვის ბაღების გაერთიანების დირექტორს ნატო სინაურიძეს და სკოლამდელი აღზრდის მეთოდისტს ციალა კალანდიას’.

ადიგენის საბავშვო ბაღში, აღსაზრდელებმა საინფორმაციო სახის სპექტაკლი წარმოადგინეს და ასე ეცადნენ გადმოეცათ იმ წესების შესახებ, რომელთა დაცვაც სტიქიური მოვლენების დროს აუცილებელია. ბავშვებმა საკუთარი ნახატების გამოფენაც მოაწყვეს, აქ პატარებმა სტიქიური მოვლენები და ასეთ დროს გადარჩენის სხვადასხვა გზები ასახეს.



ბუნებრივი კატასტროფების რისკის შემცირების პროგრამა საქართველოს საბავშვო ბაღებსა და ინსტიტუციებში ხორციელდება ევროკომისიის ჰუმანიტარული მისიის დაფინანსებით ”ბიპეკოს” პროგრამის ფარგლებში, მას “Save the Children” ”ASB” ერთად ახორციელებს.

’პროგრამა საქართველოს ორ რეგიონში სამცხე-ჯავახეთსა და აჭარაში ხორციელდება. დღეს ის შედეგი ვიხილეთ რისი მიღწევაც გვსურდა. აღსაზრდელებმა იციან თუ როგორ უნდა მოიქცნენ სხვადასხა ბუნებრივი კატასტროფის დროს’, - ამბობს ბუნებრივი კატასტროფების რისკის შემცირების პროგრამის კოორდინატორი ნათია ფარულავა.

ბუნებრივი კატასტროფების რისკის შემცირების პროგრამა გასული წლის ივლისში დაიწყო. იგი ერთწლიანია და 2013 წლის ივლისში დამთავრდება.




[ნუკა სტეფნაძე,ადიგენი]