‘ახალციხის ციხეზე’ 2018 წლის ტურისტული სეზონი გაიხსნა [Photo]

„ახალციხის ციხეზე“ ტურისტული სეზონი დღეს, 22 აპრილს საზეიმოდ გაიხსნა.

16:00 საათზე, ახალციხის ისტორიული კოპლექსი ახალციხისა და ტაო–კლარჯეთის მიტროპოლიტმა მეუფე თეოდორემ აკურთხა.
სეზონის გახსნისათვის მიძღვნილი კონცერტი, 17:00 საათზე, ციხის შესასვლელში, ადგილობრივი ცეკვისა და სიმღერის ანსამბლების მონაწილეობით გაიმართა.

ღონისძიებას, ახალციხისა და ადიგენის მაჟორიტარი დეპუტატი, სამცხე–ჯავახეთის გუბერნატორი და ადგილობრივი თვითმმართველობის ხელმძღვანელი პირები დაესწრნენ.

„მე ვიმედოვნებ, რომ ციხეზე წელს უფრო მეტი ტურისტი მოვა და ეს ადგილი გახდება რეგიონის ტურისტული განვითარების ცენტრი,“–განაცხადა ახალციხის მერმა ზაზა მელიქიძემ.

დღესვე, ციხის ტერიტორიაზე გამოფენილი იყო ახალციხის სამხატვრო სკოლის მოსწავლეების ნამუშევრები და ხალხური რეწვის ნიმუშები.









[ლუბა გიორგაძე, ახალციხე]