ახალციხეში ცხრა წლის ბიჭს მანქანა დაეჯახა

შემთხვევა, დაახლოებით, 15:00 საათზე მოხდა, მოზარდი ქუჩაზე გადადიოდა, როდესაც მას მსუბუქი ავტომანქანა დაეჯახა.

"ბავშვი ქალაქის ცენტრალური პარკის მიმართულებით გადადიოდა, მძღოლმა რომ დაინახა გზაზე დაამუხრუჭა, ბავშვიც გაჩერდა და მანქანაც, მერე ორივე ერთდროულად დაიძრა და დაეჯახა", – გვიყვება შემთხვევის თვითმხილველი.

ცხრა წლის ბიჭი სასწრაფო სამედიცინო დახმარების ჯგუფმა ახალციხის რეფერალურ ჰოსპიტალში გადაიყვანა.

"ლავიწის ძვალი აქვს გატეხილი, კოჭი გაბზარული, ბავშვი კონტაქტურია, უტარდება გამოკვლევები", – აცხადებენ ახალციხის რეფერალურ ჰოსპიტალში.

მომხდარს ახალციხის რაიონული სამმართველო სისხლის სამართლის კოდექსის 276–ე მუხლით იძიებს, რაც მოძრაობის უსაფრთხოების წესების დარღვევას გულისხმობს;



[sknews.ge]