პრემიერი ახალციხეში პარტიის რეგიონულ კონფერენციას მართავს

შეხვედრას პარლამეტნის თავმჯდომარე ირაკლი კობახიძე, თბილისი მერი კახა კალაძე, ადგილობრივი თივითმმართველობებისა და სამხარეო ადმინისტრაციის წარმომადგენლები, საქართველოს პარლამენტში რეგიონის მუნიციპალიტეტების დეპუტატები და ასევე, „ქართული ოცნების“ წევრები ესწრებიან. პრემიერს თან არ ახლავს სამცხე–ჯავახეთის ახლადდანიშნული გუბერნატორი კახა სამხარაძე, თუმცა, კონფერენციას ესწრება რეგიონის უკვე ყოფილი გუბერნატორი აკაკი მაჭუტაძე.

კონფერენცია ჟურნალისტებისთვის დახურულია. უცნობია დღის წესრიგიც.

„ეს კონფერენცია არის ერთგვარი სამზადისი „ქართული ოცნების“ ყრილობისთვის, რომელიც თბილისში უნდა გაიმართოს. ამიტომ ასეთი შეხვედრები სხვა რეგიონებშიც ტარდება“, – ამბობს ბორჯომისა და ასპინძის მაჟორიტარი დეპუტატი გედევან ფოფხაძე.

მისივე თქმით, შესაძლოა, დღეს პრემიერმა სამცხე–ჯავახეთში „ქართული ოცნების“ რეგიონული ოფისის ხელმძღვანელი წარადგინოს: „თუმცა, ჯერ ზუსტად ამის შესახებ არაფერი ვიცით“.

ახალციხემდე პრემიერმა რეგიონული კონფერენციები მცხეთასა და გორში გამართა.









[sknews.ge]