მირაშხანში გზის რეაბილიტაცია იწყება

მირაშხანში გზის და ერთი ხიდის რეაბილიტაციას საქართველოს მუნიციპალური განვითარების ფონდი და ასპინძის მუნიციპალიტეტის მერია ერთობლივად აფინანსებს.

სამუშაოებს შპს „ასტორია“ და შპს „საგზაო სამშენებლო სამმართველო N1“ შეასრულებს. სამუშაოები ორ ეტაპად ჩატარდება.

შპს „ასტორია“ აღნიშნული გზის 3 300 მეტრს მოაასფალტებს (960 000 ლარი), ხოლო შპს „საგზაო სამშენებლო სამმართველო N1“ გზის დარჩენილ ნაწილს – 3 000 მეტრს და სოფლამდე მისასვლელ ხიდს ჩაუტარებს რეაბილიტაციას (900 000 ლარი).

როგორც ასპინძის მუნიციპალიტეტის მერიაში აცხადებენ, სამუშაოები ივნისში დასრულდება.

[თინათინ ზაზაძე, ასპინძა]