ახალციხის გამგეობის საჩუქრები სოფლად მცხოვრებ ქალებს

ახალციხის მუნიციპალიტეტის გამგეობის თანამშრომელბმა 8 მარტი პირველს, სოფელ წყურთში მცხოვრებ მარიამ სტეფანიანს მიულოცეს. მას ტორტი და ვარდები ახალციხის მუნიციპალიტეტის საკრებულოს თავმჯდომარემ დავით ლომიძემ გადასცა. აქედან თვითმმართველობის წარმომადგენლებმა სოფელ ჭვინათში მცხოვრებ 97 წლის ალდინა ბიწაძესთან გადაინაცვლეს.

„არც კი ვიცოდი, რომ დღეს 8 მარტი იყო, ბედნიერი ფეხით გევლოთ“, – ამბობს ბიწაძე.

მუნიციპალიტეტის გამგეობისგან ტორტი და ვარდები დღეს სოფლად მცხოვრებმა 20–მა ქალმა მიიღო. მათ შორის 16, როგორც უხუცესი ისე შეარჩიეს, ოთხი კი შეზღუდული შესაძლებლობის მქონე პირი იყო.

სარვამარტო აქცია ახალციხის მუნიციპალიტეტის გამგეობას 340 ლარი დაუჯდა.

„ამგვარი ღონისძიება ყოველი წლის რვა მარტს გვაქვს. წელს უხუცესები და შშმ პირები შევარჩიეთ“, – ამბობს დათო ლომიძე.



[მარიამ ბარძიმაძე – ახალციხე]