1 მარტს, ევროკომისიის ევროპული სამეზობლო პოლიტიკისა და გაწევრიანების შესახებ მოლაპარაკებების საკითხებში გენერალური დირექტორატის წარმომადგენლები ბორჯომში ადგილობრივი განვითარების ჯგუფის (LAG) წევრებს შეხდნენ და იმ პროეტების შესახებ ისაუბრეს, რომელბიც ევროკავშირის მხარდაჭერით ENPARD–ის პროგრამის ფარგლებში დაფინანსდა. შეხვედრა ბორჯომ–ხარაგაულის ეროვნული პარკის ადმინისტრაციის შენობაში გაიმართა.
ადგილობრივი განვითარების ჯგუფიის (LAG) მიერ 2015–2017 წლებში ბორჯომში 1 000 000 ლარის ღირებულების 28 პროექტია დაფინანსებული.
„ევროკავშირის დახმარებით და დაფინანებით, ჩვენმა ლაგმა შეიმუშავა ბორჯომის განვითარების სტრატეგია როემლიც აქამდე არ არსებობდა, ჩვენ გავაკეთეთ ბორჯომის SWOT–ანალიზი, საიდანაც გამოიკვეთა ოთხი პრიორტეტი. სწორედ ამ სტარტეგიასთან შესაბამისობაში უნდა ყოფილო განაცხადი, რომელიც შემდგომში დავაფინანსეთ“, – განაცხადა ბორჯომის განვითარების ჯგუფის ხელმძღვანელმა მაკა ღონღაძემ.
„ვიმყოფებოდი გორში, სოფელ ახალდაბაში არსებულ საკამლახე მეურნეობაში, ეს არის ძალიან მნიშვნელოვანი მიმათულება, რომელსაც ENPARD–მა მხარი დაუჭირა. ბორჯომში ჩამოვედით იმიტომ, რომ შევხვდეთ ადგილობრივი განვითარების ჯგუფს. ვისაუბრეთ ევროკავშირის მიერ მხარდაჭერილი ქვეპროექტების შესახებ. ჩვენთვის სასიხარულოა, რომ ასე კარგად ვითარდება და ყალიბდება სოფლის მეურნეობის მიმართულებები, რომლებსაც ჩვენ მხარს ვუჭერთ“, – განაცხადა შეხვედრის დაწყებამდე ევროკომისიის ევროპული სამეზობლო პოლიტიკისა და გაწევრიანების შესახებ მოლაპარაკებების საკითხებში გენერალური დირექტორატის წარმომადგენელმა მეთიუ ბიუსკეტმა.
შეხვედრაზე სტუმრებს საშუალება ჰქონდათ გაცნობოდნენ ისეთ პროექტებს, როგორიცაა „ვირტუალური ტური ბორჯომის ხეობაში“, რომელიც ინოვაციური ტექნოლოგიის გამოყენებით ტურისტებს ბორჯომის ხეობის ღირშესანიშნავ ადგილებში ვირტუალურ ტურს სთავაზობს. ასევე „ბორჯომის კულტურული ძეგლების და ლანდშაფტის ფოტოები ტურისტებისთვის“, რომელიც ბორჯომის ღირშესანიშნაობებს, ისტორიული, კულტურული და ტურისტული ადგილების პოპულარიზაციას უზრუნველყოფს. დაათვალიერეს „ადგილობრივი სუვენირები“, რომელის ფარგლებშიც ტურისტებისთვის ხის სუვენირები და სატამაშოები მზადდება. „მუსიკალური სტუდია“, რომელიც ახალგაზრდების მუსიკით დაინტერესებას და ამ კუთხით მათ მომზადებას უზრუნველყოფს და ბორჯომის ცენტრში მდებარე „მინი სტადიონი“, რომელიც ადგილობრივ ახალგაზრდებს სპორტულ აქტივობებში ჩართულობის შესაძლებლობას სთავაზობს.
ევროკავშირის მხარდაჭერით, ENPARD–ის ფარგლებში, საქართველოში დღემდე 122 სოფლის განვითარების ინიციატივა დაფინანსდა, აქედან 28 ბორჯომში. ეს ინიციატივები სოფლის მეურნეობის, ტურიზმის, სოციალური და რეგიონალური ინფრასტრუქტურის და გარემოს დაცვითი მიმართულებების განვითარებას უწყობს ხელს. აღნიშნული ინიციატივებით 700–მდე სოფლად მცხოვრები ოჯახი დასაქმდა, ხოლო 8000–მდე სოფლად მცხოვრებ ადამიანს საცხოვრებელი პირობები პირობები გაუუმჯობესდა.
აღნიშნული პროგრამა 2013 წლიდან ხორციელდება და მისი მთალიანი ბიუჯეტი შეადგენს 179.5 მილიონ ლარს. ENPARD–ის ძირითადი მიზანი საქართველოში სოფლად სიღარიბის დაძლევაა.
ბორჯომის ადგილობრივი განვითარების ჯგუფმა (LAG) 2017–2019 წლებისთვის პროექტების განხორციელებისთვის კონკურსი კიდევ გამოაცხადა, რომლის ღირებულება 1 000 000 ლარია, ამ ეტაპზე 231 განაცხადია შესული, რომლის გადარჩევაც იგეგმება.
ადგილობრივი განვითარების ჯგუფში 29 ადამიანია, მათ შორის არიან წამომადგენლები ხელისუფლების, არასამთვრობო ორგანიზაციებისა და სამოქალაქო სექტორიდან.
[თინათინ ზაზაძე, ბორჯომი]