საატესტატო გამოცდები შეცვლილი ფორმატით ჩატარდება

გამოცდების ეროვნული ცენტრის ინფორმაციით, სიახლეა ისიც, რომ ყველა საგანში ნიმუშების რაოდენობა კიდევ უფრო გაიზრდება.

"შეფასებისა და გამოცდების ეროვნული ცენტრის ვებგვერდზე - www.naec.gov.ge თითოეული საგანისათვის დამატებითი ნიმუშები უახლოეს დღეებში გამოქვეყნებდა. ახალი ნიმუშები მათ დაეხმარებათ სწორი წარმოდგენა შეიქმნან საგამოცდო დავალებებზე", – აცხადებენ გამოცდების ეროვნულ ცენტრში.

განათლებისა და მეცნიერების სამინისტრო და შეფასებისა და გამოცდების ეროვნული ცენტრი აგრძელებენ გამოსაშვები გამოცდების მოდელში შესაძლო ცვლილებებზე მუშაობას. ამ ეტაპისთვის კი სხვა ცვლილებები დაზუსტებული არა არის.

გამოსაშვები გამოცდები წელსაც ორ ეტაპად, მე-11 და მე-12 კლასებში ჩატარდება. მე-11 კლასის მოსწავლეები სასწავლო წლის ბოლოს იმ საგნებს აბარებენ, რომელთა სწავლაც დაასრულეს (ფიზიკა, ქიმია, ბიოლოგია, გეოგრაფია). დარჩენილ 4 საგანში კი ტესტირებას (მათემატიკა, ქართული ენა და ლიტერატურა, უცხოური ენა, ისტორია) მოსწავლეები სკოლის დამთავრებისას გადიან.

იმისათვის, რომ გამოსაშვებ გამოცდებზე ზღვარი გადალახოს, მოსწავლემ დაახლოებით 15 მარტივ კითხვას უნდა გასცეს სწორი პასუხი.

[sknews.ge]