'ვალენტინობა' ახალქალაქში [Photo]

მთავარი → სიახლე, საზოგადოება, ფოტოამბავი 14.02.2018

'ვალენტინობა', ახალქალაქში, 'მომავლის სახლის' აღსაზრდელებისა და მასწავლებლების მიერ შექმნილი ნამუშევრებით, საზეიმოდ მორთულ სკვერში, მუსიკალური წარმოდგენებით აღნიშნეს.

14 თებერვალს, „ვალენტინობას“, სიყვარულის დღეს, მსოფლიოს არაერთ ქვეყანაში აღნიშნავენ, მათ შორის, საქართველოშიც. ამ დღეს ქუჩები, გასაყიდად გამოტანილი ყვავილების სიმრავლით, განსაკუთრებით ფერადი და ლამაზია. ფერადი და ლამაზი იყო ახალქალაქიც, სადაც ადგილობრივების განწყობაზე 'მომავლის სახლმა' იზრუნა.

'ვალენტინობისთვის' განწყობის შექმნაზე ზრუნვა ახალქალაქში 13 თებერვალს დაიწყეს. 'მომავლის სახლის' აღსაზრდელებმა და მასწავლებლებლმა, ახალქალაქის ცენტრალური სკვერის მორთვა თავიანთი ხელით დამზადებული ნამუშევრებით, დიიდან დაიწყეს. შუადღეს კი სკვერში სხვადასხვა მუსიკალური ნომრები წარადგინეს.

"ჯეინიუსის" ინფრმაციით, დღესასწაულის მოწყობა საკრებულოს დეპუტატის აკოფ ჩახმახჩიანის იდეა იყო. 'მომავლის სახლის" აღსაზრდელები და მათი მასწავლებლები კი ამ ნამუშევრებს ერთ თვის განმავლობაში ამზადებდნენ.

მასალაში გამოყენებულია "ჯეინიუსის" ფოტოები.

[sknews.ge]