ახალციხე–ახალქალაქის გზაზე ტრაილერი გადაბრუნდა [Photo]

შემთხვევა დღეს, საღამოს მოხდა. სატვირთო ავტომობილი დატვირთული იყო და იგი ფოთიდან ერევანში მიდიოდა. შემთხვევის დროს ავტომობილში მძღოლი და ერთი მგზავრი ისხდნენ, არცერთი მათგანი არ დაშავებულა. ორივე მათგანი ამბობს, რომ სამედიცინო დახმარება არ დასჭირვებიათ.

ავტომობილის მძღოლი ფოთის მცხოვრებია. იგი ამბობს, რომ ტვირთმა დასძლია და მანქანა ამიტომ გადაბრუნდა.

საქართველოს შინაგან საქმეთა სამინისტროს ინფორმაციით, მძღოლმა მოძრაობის უსაფრთხოება ვერ უზრუნველყო და მძღოლი ადმინისტრაციული წესით დაჯარიმდა. უწყება ადასტურებს, რომ შემთხვევის შედეგად სხეულის დაზიანება არავის მიუღია.

შსს–ს ცნობით, ავტოსაგზაო შემთხვევის შედეგად, მცირე დროით, გზის იმ მონაკვეთში მოძრაობა შეფერხდა, თუმცა, ამ დროისთვის გზაზე მოძრაობა ნაწილობრივ აღდგენილია.



[sknews.ge]