ვეტერანები საკუთარი უფლებების დასაცავად აქციებს მართავენ

ახალციხეში მცხოვრები ვეტერანები დღეს ახალციხის ცენტრალურ პარკში შეიკრიბნენ და საკუთარ უფლებებზე ისაუბრეს.

”საქართველოს პრემიერ მინისტრს ვთხოვთ, რომ გაითვალისწინოს ის ელემენტარული დაახმარებები და უფლებები, რაც ვეტერანი მოქალაქეების მიმართ ირღვევა”, - ამბობს ასოციაცია ”ვეტერანთა უფლებების დაცვის” ახალციხის ფილიალის თავმჯდომარე ფრიდონ ნადიბაიძე.

დღეს ახლციხეში გამართულ აქციაზე სხვადასხვა პერიოდში ომში მონაწილე ადამიანები და შეიარაღებული ძალებისა და შსს ვეტერანებიც იმყოფებოდნენ.

”ჩვენი ძირითადი მოთხოვნაა, რომ საპენსიო შემოსავალი გაიზარდოს, ასევე სოციალური დახმარებები, ზოგს ბინები არ აქვს, ზოგი უმუშევარია. იმედია გაითვალისწინებს ამ მოთხოვნებს დღევანდელი ხელისუფლება და დაგვეხმარებიან”, - ამბობს ვეტერანი როლანდ ტაბატაძე.

დღევანდელ აქციაზე ხელმოწერებიც შეგროვდა

”ამ ხელმოწერებს პარლამენტს გადავუგზავნით და მოვითხოვთ ვეტერანთა უფლებების დაცვას”, - ამბობს ფრიდონ ნადიბაიძე.

[ნუკა სტეფნაძ, ახალციხე]