NDI: მოსახლეობის ნახევარს ჰქონია შემთხვევა, როცა უსახსრობის გამო წამლის შეძენა გადაუდია

კვლევაში ნათქვამია, რომ საზოგადოება ჯანდაცვის ხარისხითა და მისაწვდომობით კმაყოფილია, თუმცა სამედიცინო მომსახურებისა და წამლების მაღალ ფასებზე წუხს.

კითხვაზე, რომელია ჯანდაცვის სისტემის წინაშე მდგარი ყველაზე დიდი პრობლემა, გამოკითხუილთა 47% წალმების საფასურს ასახელებს.

მოსახლეობის 50% ამბობს, რომ როცა ოპერაცია ან მკურნალობაა საჭირო, მის გაკეთებას საზღვარგარეთ ამჯობინებენ და არა საქართველოში.

კვლევა 2019 წლის 13-29 ივლისის პერიოდში, საქართველოს მასშტაბით 2131 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით).

გამოკითხვის საშუალო ცდომილების ზღვარი არის 1,7%. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

[sknews.ge]