თისელში ხანძრით დაზარალებული ოჯახი მერიისგან დახმარებას ითხოვს

მახათაძეებს სახლი 8 დეკემბერს დაეწვათ. ოჯახის წევრებმა და მეზობლებმა ალომდებული სახლიდან ვერაფრის გამოტანა ვერ შეძლეს.

ახალციხის მერიაში აცხადებენ, რომ დაზარალებულებს სამშენებლო ხე–მასალითაც დაეხმარებიან და თანხითაც, თუმცა, ჯერ დეტალებზე ვერ საუბრობენ.

„სპეციალური კომისია იმსჯელებს და გადაწყვეტს. ჯერ არ ვიცით“, – განმარტავენ თვითმმართველობაში.

მერიის ინფორმაციით, მიმდინარე წლის 1 დეკემბრამდე, ადგილობრივი თვითმმართველობა ხანძრით დაზარალებულ 20 ოჯახს დაეხმარა, –13–ს მუნიციპალიტეტის სოფლებში და 7–ს ქალაქში. თუმცა, უწყებაში ვერ დაგვიკონკრეტეს რამდენი ლარი იყო გათვალისწინებული ადგილობრივ ბიუჯეტში ხანძრით და სტიქიით დაზარალებულთა დასახმარებლად და რამდენი დაიხარჯა.

[თინათინ ზაზაძე, ახალციხე]