ლელოვნის სკოლამ 'მწვანე სკოლის’ წოდება მიიღო

29 ნოემბერს, არასამთვრობო ორგანიზაცია CENN–ის ორგანიზებით, ტექნოპარკში, მწვანე ტექნოლოგიებისა და ინოვაციების დღე აღინიშნა, რომლის დროსაც, ორგანიზაციამ ნიკო კეცხოველის სასკოლო პრემიის ფარგლებში ჩართული სამი სკოლა აქტიურობისათვის დააჯილდოვა.

გარემოსდაცვითი პრობლემების შესახებ ინფორმაციის სწრაფი გავრცელებისა და პრობლემის მოსაგვარებლად საზოგადოების ჩართვაში, ჯილდო სამცხე–ჯავახეთიდან ლელოვნის სკოლამ მიიღო.

ასევე დაჯილდოვდნენ ხარაგაულის მუნიციპალიტეტის სოფელ ბაზალეთისა და წალენჯიხის სოფელ ეწერის სკოლები.

ღონისძიების მიზანი მწვანე ტექნოლოგიებისა და ინოვაციური მიდგომების პოპულარიზაცია იყო.

ღონისძიების ფარგლებში, CENN-ის გუნდმა საზოგადოებას გააცნო კავკასიაში პირველი გარემოსდაცვითი ცოდნის პორტალი environment.cenn.org, მწვანე მობილურ აპლიკაცია GreenWatch და ელექტრონული თამაში – „დაახარისხე და გადაამუშავე“.

[sknews.ge]