სამცხე–ჯავახეთის საოლქო კომისიებში ოთხი საჩივარი დაიწერა

N37–ე ახალციხის საოლქო–საარჩევნო კომისიის თამჯდომარის თეა გავაშელის განმარტებით, სამი საჩივრიდან, ორი „ნაციონალური მოძრაობის“ დამკვირვებლებმა დაწერეს, ერთი კი „სამართლიანმა არჩევნებმა“ . სამივე მათგანი პროცედურულ დარღვევებს ეხება.

N36–ე ბორჯომის საოლქო–საარჩევნო კომისიის თავმჯდომარის ლევან დევიძის განცხადებით, ერთი საჩივარი დაიწერა 19:05 საათზე. საჩივარი „სამართლიანმა არჩევნებმა“ დაწერა: „ ეს ეხება იმას, რომ რეგისტრატორის, მაია ცერცვაძის მიერ გაცემული ბიულეტენების რაოდენობა არ ემთხვევა ხელმოწერების რაოდენობას, რაც სავსებით ბუნებრივია და კანონმდებლობით გათვალიწინებულია“.

ნინოწმინდის, ახალქალაქის და ადიგენის საოლქო კომისიებში, 20:00 საათის მონაცემებით, საჩივრები არ შესულა.

[sknews.ge]