ახალციხეში N21 სხვილისის საარჩევნო უბანზე საჩივარი დაიწერა

ახალციხის საარჩევნო ოლქში „ნაციონალური მოძრაობის“ წარმომადგენელის მაია ბერიძის მიერ სხვილისის უბანზე საჩივარის დაწერას ხმაური მოჰყვა. იგი ცდილობდა უბნის თავმჯდომარისთვის დაემტკიცებინა, რომ უბნის მიმდებარედ ზურაბიშვილის აგიტაცია კანონდარღვევა იყო და ამის გამო საჩივრის დაწერა სურდა. თავმჯდომარე კი აცხადებდა, რომ უბნიდან 50 მეტრის მოშორებით, აგიტაციის წარმოების უფლება ნებისმიერ პირს აქვს.

„ძალიან არაკომპეტენტური პირი შემოვიდა უბანზე, დაიწყო ყვირილი და წივილი, დაგვიწერა საჩივარი იმის გამო, რომ უბნის გარე პერიმეტრზე აგიტაციას აწარმოებდნენ", – ამბობს N 21 საუბნო საარჩევნო კომისიის თავმჯდომარე თინათინ ხუციშვილი.



[თინათინ ზაზაძე, ახალციხე]