„თანადგომა შვილებს“–ახალციხეში შშმ პირებისთვის კაბინეტი გაიხსნა

არასამთავრობო ორგანიზაციას „თანამდგომა შვილებს“ კაბინეტისთვის ერთი ოთახი ახალციხის მერიის შენობის პირველ სართულზე გამოუყვეს, რომელიც საზეიმოდ დღეს ქალაქის მერმა ვლადიმერ ზედგინიძემ და მერის არჩევნებში გამარჯვებულმა კანდიდატმა ზაზა მელიქიძემ გახსენეს.

„ეს ოთახი მოემსახურება არამარტო ახალციხეს, მთელს სამცხე–ჯავახეთს,“–ამბობს ქალაქის მერი ვლადიმერ ზედგინიძე.

არასამთავრობო ორგანიზაცია „თანადგომა შვილებს“ კაბინეტის გახსნას შშმ პირები და მათი მშობლებიც ესწრებოდნენ.

„ახლა გვაქვს ოთახი, სადაც მშობლები შევიკრიბებით და სხვადსხვა აქტივობებს დავგეგმავთ, მგონია რომ ახლა უფრო მჭიდროდ ვითანამშრომლებთ, შშმ პირების ოჯახებთან და ბევრ კარგ საქმესაც გავაკეთებთ,“– განაცხადა ორგანიზაციის ერთ–ერთმა დამფუძნებელმა ვეფხვია დიაკონაშვილმა.

არასამთავრობო ორგანიზაცია „თანადგომა შვილებს“, სადაც 200–მდე შშმ პირის მშობელი ერთიანდება, ახალციხეში 2016 წელის იანვარში ჩამოყალიბდა. ფინანსური პრობლემების გამო ორგანიზაციას საკუთარი შენობა, სადაც მშობლები სხვასხვა აქტივობების დასაგეგმად შეიკრიბებოდნენ, არ ჰქონდათ.



[ლუბა გიორგაძე, ახალციხე]