მედიამონიტორინგი: sknews.ge ობიექტურად აშუქებს მიმდინარე პოლიტიკურ პროცესებს

2017 წლის ადგილობრივი თვითმმართველობის არჩევნებთან დაკავშირებით, მედიამონიტორინგს „სამოქალაქო განვითარების ინსტიტუტი" (CDI) ატარებდა. მონიტორინგი 2017 წლის 19 ივნისიდან ხორციელდებოდა და 20 ონლაინ გამოცემას მოიცავდა. ანგარიში 8 ოქტომბრის ჩათვლით პერიოდს მოიცავს.

ონლაინ მედიის კვლევის მიხედვით, მონიტორინგის პერიოდში "სამხრეთის კარიბჭეზე" [sknews.ge-ზე] არ შეინიშნებოდა დადებითი ან უარყოფითი განწყობა რომელიმე პოლიტიკური ძალის მიმართ. ვებგვერდზე დაცულია ჟურნალისტური სტანდარტები და ეთიკის ნორმები. sknews.ge მომხმარებელს სთავაზობს მრავალფეროვან მულტიმედია პროდუქტს.

ანგარიშის მიხედვით, საანგარიშო პერიოდში, sknews.ge-ზე ყველაზე აქტიურად მთავრობის (27%), ადგილობრივი მთავრობისა (18%) და „ქართული ოცნების“ (15%) საქმიანობა გაშუქდა: "დადებითი ან უარყოფითი ტონის განსაკუთრებულად მაღალი პროცენტული მაჩვენებლები მონიტორინგის არც ერთი სუბიექტის გაშუქებისას არ გამოვლენილა. sknews.ge აქტიურად და მიუკერძოებლად აშუქებდა სხვადასხვა პარტიის მერობის კანდიდატთა წინასაარჩევნო საქმიანობას".



[sknews.ge]