ზაქარია ენდელაძე: მჯერა, რომ სწორად გაკეთებული არჩევანით შევძლებთ, აღმშენებლობის პროცესი გავაგრძელოთ [R]

მერობის კანდიდატი ამჯერად, სოფელ იმართუბანს, ადიგენის, ვარხანისა და ზაზალოს მოსახლეობას შეხვდა. ზაქარია ენდელაძემ მოსახლეობას საარჩევნო პროგრამა გააცნო და ადგილობრივი საჭიროებების შესახებ ინფორმაცია მოისმინა.

შეხვედრაზე, რომელიც კითხვა-პასუხის რეჟიმში წარიმართა, ზაქარია ენდელაძემ გზების რეაბილიტაციაზე, გარე განათების მოწყობაზე, მთის კანონსა და გაზიფიცირებაზე ისაუბრა და განმარტა, რომ მმართველი გუნდის მხარდაჭერით, მისი გამგებლობის პერიოდში, ბევრი მნიშვნელოვანი პროექტი განხორციელდა.

„მჯერა, რომ თქვენი სწორად გაკეთებული არჩევანით შევძლებთ, კვლავ გავაგრძელოთ აღმშენებლობის პროცესი“, - განაცხადა ზაქარია ენდელაძემ.

მერობის კანდიდატმა მოსახლეობას მხარდაჭერისაკენ მოუწოდა და მერად არჩევის შემთხვევაში, მუნიციპალიტეტში არსებული პრობლემების მოგვარების მზადყოფნა გამოთქვა.

[sknews.ge]