ზაქარია ენდელაძე: მოსახლეობას ისეთი პირობები უნდა შევუქმნათ, რომ სოფელი მოსახლეობისგან არ დაიცალოს [R]

მერობის კანდიდატი სოფელ არზნეს, ფლატესა და მლაშეს მოსახლეობას შეხვდა და არსებულ ვითარებას ადგილზე გაეცნო.

ადგილობრივებთან შეხვედრაზე ყურადღება გასული ოთხი წლის განმავლობაში ქვეყნის მაშტაბით განხორციელებულ პროექტებზე გამახვილდა.

ზაქარია ენდელაძის განცხადებით, სოფლის მეურნეობის განვითარება, მცირე და საშუალო ბიზნესის ხელშეწყობა ცენტრალური ხელისუფლების ერთ-ერთი მთავარი პრიორიტეტია.

„მოსახლეობას ისეთი პირობები უნდა შევუქმნათ, რომ სოფელი მოსახლეობისგან არ დაიცალოს. სამი წლის წინ, როცა ნდობა ერთხელ უკვე გამომიცხადეთ, მთავარ პრიორიტეტად ინფრასტრუქტურა ავირჩიეთ და ადიგენის მუნიციპალიტეტის თითქმის ყველა სოფელში ცენტრალური ხელისუფლების მხარდაჭერით ინფრასტრუქტურული პრობლემა მოგვარებულია. ჩემი მერობის შემთხვევაში, ეს ტენდენცია გაგრძელდება“, - განაცხადა მერობის კანდიდატმა.

ზაქარია ენდელაძე მმართველ გუნდს გამოცხადებული ნდობისთვის მადლობას უხდის.

„სიამოვნებით ვიღებ ამ პასუხისმგებლობას და ვფიქრობ, ერთობლივი მუშაობით შევძლებთ არსებული პოტენციალის ათვისებას, როგორც სოფლის მეურნეობის, ასევე ტურიზმის მიმართულებით“, – აცხადებს ენდელაძე.

[sknews.ge]