პირველი ონლაინ მაღაზია ახალციხეში ®

ბიზნეს იდეა ახალგაზრდა ცოლ–ქმარს, თინათინ დიაკონაშვილსა და ვიტალი მესხიძეს 2 წლის წინ გაუჩნდა, როდესაც მათ ოჯახში მეორე ბავშვი გაჩნდა. 2 პატარასთან ერთად, სამსახური, საოჯახო საქმეები და საყიდლებზე სიარული, მათ მუდმივ დროის დეფიციტს უქმნიდათ. მაშინ ძალიან უნდოდათ ყოფილიყო ისეთი სერვისი, რომ ონლაინ შეძლებოდათ პროდუქტის ყიდვა. როგორც თინათინი იხსენებს, მაშინ მსგავს სერვისზე საუბარი ახალციხეში ფანტასტიკის სფერო იყო. თუმცა პანდემიის გამო შექმნილმა სიტუაციამ, ისინი მიახვედრა, რომ მსგავსი სერვისი ახლა უკვე ბევრისთვის მოთხოვნადი იქნებოდა. ამიტომ გადაწყვიტეს თავიანთი იდეა ნამდვილ ბიზნესად ექციათ.

„საკვები და საყოფაცხოვრებო პროდუქცია ისეთი კატეგორიაა, რომელიც ყოველდღიურად გვჭირდება. თუმცა, მისი შეძენა მოცემულ რეალობაში სირთულეებთან არის დაკავშირებული: მიდიხარ მაღაზიაში და რისკის ქვეშ აყენებ შენი და შენი ოჯახის წევრების ჯანმრთელობას; ასევე, არსებული შეზღუდვების გამო, ხარჯავ საკმაოდ დიდ დროს.

ჩვენი სერვისი კი ადამიანებს ამ სირთულეების დაძლევაში ეხმარება: მომხმარებელი, სახლიდან გაუსვლელად რთავს „მარტივის“ აპლიკაციას, ათვალიერებს კატალოგს, არჩევს სასურველ პროდუქციას და აპლიკაციის საშუალებითვე უკვეთავს მას. მაქსიმუმ 30 წუთის განმავლობაში კი ადგილზე იღებს შეკვეთას“, ამბობს ვიტალი მესხიძე.

ონლაინ მაღაზია ქ. ახალციხეში, რუსთაველის ქ. 103–ში მდებარეობს. „მარტივი“, მაღაზია 30 ლარზე მეტი პროდუქციის შეძენის შემთხვევაში, მომხმარებელს უფასო მიტანის სერვისით მოემსახურება, ახალციხის მასშტაბით. ამ ეტაპზე, ონლაინ მაღაზიის ასორტიმენტი საკვები და საყოფაცხოვრებო პროდუქციით შემოიფარგლება, თუმცა მომხმარებლის სურვილების გათვალისწინებით, ასორტიმენტის გაზრდაც იგეგმება.
„აპლიკაციას აქვს „ჩეთი“, რომლის საშულებით მომხმარებელს შეუძლია დაგვიტოვოს შეტყობინება, გაგვიზიაროს შთაბეჭდილება, შენიშვნა ან სულაც რაიმე პროდუქტის დამატების სურვილი. ჩვენ მზად ვართ გავითვალისწინოთ მათი თითოეული შენიშვნა და სურვილი. მზად ვართ გავზარდოთ პროდუქციის ასორტიმენტი მომხმარებლის სურვილების შესაბამისად“, ამბობს ვიტალი.

ონლაინ მაღაზია „მარტივის“ უპირატესობები ასეთია:

● აპლიკაციის საშუალებით იძენ პროდუქტს ნებისმიერი ადგილიდან და არ გიწევს გარეთ გასვლა მის შესაძენად – იცავ შენი და შენი ოჯახის წევრების ჯანმრთელობას, ზოგავ დროს და ფინანსურ რესურსს;

● შეძენილ პროდუქციას იღებ ქალაქ ახალციხის მასშტაბით, ნებისმიერ ადგილას 30 ლარზე მეტი ღირებულების პროდუქტის შეძენის შემთხვევაში, სარგებლობ უფასო მიტანის სერვისით;

● პროდუქტი არის მისაღებ ფასებში. ფასის შედარება სხვა მაღაზიებში არსებულ პროდუქტებთან თავადვე შეგიძლიათ აპლიკაცია მარტივის საშუალებით ადარებთ ფასებს და საკუთარი თვალით რწმუნდებით რომ ეს მარტივია;

● აპლიკაცია არის მარტივად გამოსაყენებელი: არჩევ კატალოგიდან ან „სერჩავ“ სასურველ პროდუქტს, აგდებ კალათაში და აფორმებ შეკვეთას;

● მოსახერხებელი ანგარიშსწორება: იხდი ნაღდი ან/და უნაღდო ანგარიშსწორებით, როგორც გირჩევნია.

„მარტივის“ სერვისით სარგებლობისთვის, საჭიროა Android ტიპის მოწყობილობა. play market-იდან ან play story-დან უნდა გადმოწეროთ აპლიკაცია „მარტივი“, დარეგისტრირდეთ და შეუკვეთოთ სასურველი პროდუქცია. აპლიკაციის გადმოწერისას ან/და მოხმარებისას შექმნილი ხარვეზების არსებობის შემთხვევაში, შეგიძლიათ დაუკავშირდეთ ადმინისტრაციას, ნომერზე: 577–11–74–91.