ახალციხის თემში ორი ბაგა–ბაღი გაიხსნა

ახალციხის თემში სკოლამდელი აღზრდის დაწესებულება 16 სოფელში ფუნქციონირებს. აქედან ორი, წინუბანსა და ანდრიწმინდაში დღეს, 1 სექტემბერს გაიხსნა, ხოლო ორი საძელსა და პამაჯში ალტერნატიულიდან ტიპიურ ბაღად გადაკეთდა.

როგორც სკოლამდელი აღზრდის დაწესებულებაში განმარტავენ, 16 ბაგა–ბაღში ჯამში 783 აღსაზრდელი ისწავლის.

ახალციხის თემში ბაგა–ბაღები შემდეგ სოფლებში ფუქნციონირებს:

აწყური;
აგარა (სარგებლობს აგარის, ზიკილიის, საყუნეთის მოსახლეობა);
წნისი;
კლდე;
წყალთბილა (სარგებლობს წუალთბილის, ნაოხრების, აბათხევის, წინუბნის, ჯულღას მოსახლეობა);
პამაჯი (სარგებლობს პატარა პამაჯის, ორალის, ყულალისის მოსახლეობა);
ვალე;
ვალის მეორე შახტა;
სხვილისი (სარგებლობს სხვილისის და ზემო სხვილისის მოსახლეობა);
მინაძე (სარგებლობს მინაძის, ჭაჭარაქის და ღრელის მოსახლეობა);
ურაველი (სარგებლობს ურაველის, ხეოთის, წყორძის, ახალშენის მოსახლეობა);
მუსხი;
საძელი (სარგებლობს საძელის და ხაკის მოსახლეობა);
ფერსა (სარგებლობს ფერსის, გიორგიწმინდის, მუგარეთის და ზიკილიის მოსახლეობა);
ანდრიაწმინდა (სარგებლობს ანდის და ანდრიაწმინდის მოსახლეობა);
წინუბანი(სარგებლობს წინუბანის და გურკელის მოსახლეობა);

შეგახსენებთ, რომ ქალაქ ახალციხისგან განსხვავებით თემის ბაღებში სასწავლო პროცესი არ შეწყვეტილა.

[თინათინ ზაზაძე, ახალციხე]