ახალციხეში საფეხმავლო ბილიკზე ამოყრილი ფილები შეაკეთეს

თამარ მეფის ქუჩასა და შოთა რუსთაველის ძეგლის მიმდებარე ტერიტორიაზე დაზიანებული საფეხმავლო ნაწილის შესახებ „სამხრეთის კარიბჭემ“ მასალა გუშინ, 25 სექტემბერს მოამზადა.

მასალის გამოქვეყნების შემდეგ, თამარ მეფის ქუჩაზე დაზიანებული ტროტუარი შეაკეთეს, შოთა რუსთაველის ძეგლის მიმდებარედ კი, სამუშაოები ჯერ არ დაწყებულა.

მერიის ინფორმაციით, პროექტი უკვე მზადაა და 2020 წლის განმავლობაში, რუსთაველისა და კეცხოველის ქუჩების შემდეგ, დანარჩენი ცენტრალური ქუჩების რეაბილიტაციაც იგეგმება.

„პროექტი უკვე მზადაა და მომდევნო 2020 წელს დაგეგმილია დანარჩენი ცენტრალური ქუჩების რეაბილიტაციაც. ამ ეტაპზე, იმ მონაკვეთებზე, სადაც რთული მდგომარეობა და გადაუდებელი აუცილებლობაა, მერია შეკეთებას უზრუნველყოფს. მათ შორის, აღნიშნულ ლოკაციებზეც“, – განაცხადეს მერიაში.

[რობი ზარიძე, ახალციხე]