ახალციხესა და ბორჯომს არჩევნებში დამოუკიდებელი კანდიდატები არ ეყოლებათ

საარჩევნო კანონმდებლობის თანახმად, დამოუკიდებელი კანდიდატები საინიციატივო ჯგუფებმა უნდა წარადგინონ. მათი დარეგისტრირების ვადა კი ისე ამოიწურა, რომ არც ახალციხის და არც ბორჯომის საარჩევნო ოლქში, არცერთი განცხადება არ შევიდა.

შეგახსენებთ, ახალციხისა და ბორჯომისგან განსხვავებით, დამოუკიდებელი კანდიდატები ჰყავთ ადიგენსა და ასპინძაში.

ადგენში მერობისთვის გამგებლის ყოფილი მოადგილე მინდია ჯელია იბრძოლებს, ასპინძაში კი არჩევნებში ჩართვას დამოუკიდებელ კანდიდატად აპირებს „ქართული ოცნების“ ხელისუფლების პერიოდში გამგებლად არჩეული და ამჟამადაც მოქმედი გამგებელი ლევან ცაბაძე.

გარდა მერისა, ადიგენს მაჟორიტარობის ექვსი დამოუკიდებელი კანდიდატიც ჰყავს.

[ლუბა გიორგაძე, ახალციხე]