ვითარება აბასთუმანში – ფოტო და ვიდეო მასალა

30 აგვისტოს, დილიდან განაახლეს მუშაობა შსს-ს საგანგებო სიტუაციების მართვის სააგენტოს, განაკუთრებულ დავალებათა დეპარტამენტისა და დაცული ტერიტორიების სააგენტოს 1000-ზე მეტმა თანამშრომელმა.

ხანძარს, ბორჯომ–ხარაგაულის ეროვნული პარკის რეინჟერთა სრული შემადგენლობა ებრძვის.

ქრობის პროცესში დილიდან მოხალისეებიც ჩაერთვნენ. ადგილობრივები მუშაობას ნიჩბებით შეუდგნენ.

ადგილზე იმყოფებიან შინაგან საქმეთა მინისტრი, განსაკუთრებულ დავალებათა დეპარტამენტის უფროსი, ეროვნული სატყეო სააგენტოს უფროსი და ადგილობრივი თვითმმართველობის წარმომადგენლები. ასევე საგანგებო შტაბში იმყოფება ახალციხისა და ადიგენის მაჟორიტარი დეპუტატი გიორგი კოპაძე.
წინასწარი ინფორმაციით, ბორჯომ–ხარაგაულის ეროვნულ პარკში, აბასთუმნის ტერიტორიაზე 5–7ჰა ტყის ფართობია დამწვარი.














[თინათინ ზაზაძე, ადიგენი]