ვაჩუქოთ ბავშვებს წიგნები

წიგნის საერთაშორისო დღესთან დაკავშირებით, ფონდი "საერთაშორისო განათლების ცენტრი" ახალციხის სტუდენტური თვითმმართველობის მხარდაჭერით, გეგმავს სხვადასხვა ღონისძიებებს, მათ შორის, წიგნების შეგროვება ნინოწმინდის და ასპინძის ბავშვთა სახლებისა და ახალციხის სკოლა-პანსიონის აღსაზრდელებისათვის.

მოგიწოდებთ ყველას, ორგანიზაციებს, სკოლებს, მოსწავლეებს, სტუდენტებს, შემოგვიერთდით, ვაჩუქოთ ბავშვებს წიგნები!

თუ მოგეპოვებათ თუნდაც 1 წიგნი, რომელიც უკვე წაიკითხეთ და გააჩუქებდით, რომელიც შესაძლოა გამოადგეთ ბავშვებს, გთხოვთ მოგვაწოდოთ ჩვენს ცენტრში, ან უნივერსიტეტის სტუდენტური თვითმმართველობის კაბინეტში.

ან თუ ფიქრობთ, რომ რაიმე სხვა ფორმით შეგიძლიათ ჩაერთოთ ამ აქციაში, მოგვწერეთ ან დაგვიკავშირდით ნომრებზე: 555 357967 ან 555 982688.

მოსწავლეებს და სტუდენტებს, რომლებსაც გაქვთ მოხალისეობის და დახმარების სურვილი, შეგიძლიათ მობრძანდეთ ორშაბათს 22 აპრილს 12 საათზე უნივერსიტეტის 1 კორპუსში 404 აუდიტორიაში, ან დაგვიკავშირდით. აქტიური მონაწილეები დასაჩუქრდებიან.

[www.sknews.ge]