სვირის ტყეში ხანძარი ლოკალიზებულია

საქართველოს შინაგან საქმეთა მინისტრის თქმით, სვირში ჯერ ისევ ადგილზე რჩება 100–მდე მეხანძრე–მაშველი, განსაკუთრებულ დავალებათა დეპარტამენტის 170 თანამშრომელი და ავიაცია: "ვმუშაობთ იმისთვის, რომ ყველა საფრთხე თავიდან იქნეს აცილებული. ასე რომ, დამაიმედებელი პროგნოზი გვაქვს, ხანძარი ლოკალიზებულია".

ამ ეტაპზე ისევ უცნობი რჩება, რა ფართობი დაიწვა სოფელ სვირის ტყეში.

შეგახსენებთ, გუშინ, 28 აგვისტოს, ხანძარი გაჩნდა ახალციხეში, სოფელ სვირის ტყეში. გუშინვე ადგილზე ჩავიდა საქართველოს შინაგან საქმეთა მინისტრი გიორგი მღებრიშვილი.

ადგილი მიუვალია, ამიტომ, დღეიდან ცეცხლის ჩაქრობის პროცესში ვერტმფრენი ჩაერთო. სვირში ცეცხლი შერეულ ტყეს უკიდია, შინაგან საქმეთა მინისტრის, გიორგი მღებრიშვილის თქმით, რომელიც სტიქიის ზონაში იმყოფება, ცეცხლის წიწვოვან ტყეში გავრცელების საშიშროება არ არსებობს

დღეს სვირში პარაკლისი გადაიხადა ახალციხისა და ტაო–კლარჯეთის მიტროპოლიტმა მეუფე თეოდორემ.


საგანგებო შტაბი სოფელ სვირში. 29.08.17. ფოტო: თინათინ ზაზაძე/სამხრეთის კარიბჭე


საგანგებო შტაბი სოფელ სვირში. 29.08.17. ფოტო: თინათინ ზაზაძე/სამხრეთის კარიბჭე


სოფელი სვირი. 29.08.17. ფოტო: თინათინ ზაზაძე/სამხრეთის კარიბჭე


[sknews.ge]