სააგენტო: სვირში გაღვივებული კერა ლოკალიზებულია

სოფელ სვირის მიმდებარე ტყეში გაღვივებული ხანძრის კერას, სახანძრო–სამაშველო სამსახურის თანმშრომლები, ახლა ამუშავებენ იმისათვის, რომ ხელახალი გაღვივების საშიშროება აღარ იყოს.

დაახლოებით ნახევარი საათის წინ, ადგილზე მუშაობა შეწყვიტა ვერტმფრენმა, რომელიც კერის გაღვივების შემდეგ აბასთუმნიდან გადმოიყვანეს.
საგანგებო სიტუაციების მართვის სააგენტოში ამბობენ, რომ სვირის ტყეში კერის სალიკვიდაციო სამუშაოები უახლოეს საათებში დასრულდება.

შეგახსენებთ, რომ სვირში ხანძარი 28 აგვისტოს, გაჩნდა. მიუვალი ადგილის გამო ცეცხლის ჩაქრობის პროცესში ვერტმფრენი ჩაერთო. ადგილზე 100–მდე მეხანძრე–მაშველი, განსაკუთრებულ დავალებათა დეპარტამენტის 170 თანამშრომელი და ადგილობრივი მოსახლეობა მუშაობდა. სოფელ სვირში ხანძრის ლიკვიდირება გუშინ, 29 აგვისტოს საღამოს მოხდა.

[sknews.ge]