მეუფე თეოდორემ სტიქიის ზონაში პარაკლისი გადაიხადა

მეუფე თეოდორე სოფელ სვირში დილიდან მივიდა.

„ჩვენი მონდომება მთავარი, ჩვენ გვინდა გვერდში დავუდგეთ ყველა იმ ადამიანს, რომელიც შრომობს ძალიან მძიმე პირობებში. როგორც ჩვენ ვიცით, ძალიან ძნელად მისადგომი ადგილია და რთულ ადგილას არის ხანძარი. თითოეული ჩვენთაგანი, მთელი ეპარქიის სამღვდელოება, ვლოცულობთ, აღვავლენთ ლოცვებს, რათა უფალი თანამავალი იყოს თითოეული ჩვენთაგანისა. შეგვეწიოს, და თუ ჩვენ ერთად ვიქნებით, ერი და ბერი, აუცილებლად მოვერევით ამ განსაცდელს, რომელიც ძალიან გახშირდა საქართველოში“, – განაცხადა მეუფე თეოდორემ პარაკლისის დასრულების შემდეგ.

შეგახსენებთ, გუშინ, 28 აგვისტოს, ხანძარი გაჩნდა ახალციხეში, სოფელ სვირის ტყეში. ადგილი მიუვალია, ამიტომ, დღეიდან ცეცხლის ჩაქრობის პროცესში ვერტმფრენი ჩაერთო. სვირში ცეცხლი შერეულ ტყეს უკიდია, შინაგან საქმეთა მინისტრის, გიორგი მღებრიშვილის თქმით, რომელიც სტიქიის ზონაში იმყოფება, ამ ეტაპზე ცეცხლის წიწვოვან ტყეში გავრცელების საშიშროება არ არსებობს.

[sknews.ge]