არჩილ თალაკვაძე: ვითარება უკეთესია, მაგრამ, ყველა ტექნიკა რჩება ჩვენთან

თალაკვაძის განცხადებით, როგორც კი ხანძრის ყველა კერიდან ინფორმაციას მიიღებენ, შტაბში საგანგებო თათბირი გაიმართება, რომელზეც განიხილავენ სტიქიის ზონაში არსებულ ვითარებას და სამომავლო სამუშაოებს გაწერენ.

"ამ დროისთვის ყველა მძიმე ტექნიკა რჩება ადგილზე, მიუხედავად იმისა, რომ ვითარება უკეთესია და ბუნებრივია ყველა ვერტმფრენიც, ქართულიც და უცხოურებიც, რომლებიც გვეხმარებიან, დარჩება ჩვენთან, ვიდრე სადმე პატარა კვამლი ან კერა იქნება", – განაცხადა საპარლამენტი უმრავლესობის ლიდერმა.

მისივე განცხადებით, დამატებით მიმდინარეობს მოლაპარაკებები დახმარების თაობაზე: "მივმართეთ ევროკავშირს და ამერიკის შეერთებულ შტატებს, ასევე, საგარეო საქმეთა სამინისტრო მოლაპარაკებებს აწარმოებს ისრაელთან. ეს დახმარება შეიძლება იყოს შედარებით დიდი გაბარიტების ტექნიკასთან დაკავშირებით".

თალაკვაძის თქმით, შტაბი აგრძელებს საგაგებო რეჟიმში მუშაობას, ასევე, მთელი ღამის განმავლობაშ გაგრძელდება მუშაობა სტიქიის ეპიცენტრში.

[sknews.ge]