ბორჯომის ხეობაში, წაღვერთან, ცეცხლის ახალი კერა გაჩნდა

კერა ახლოსაა წაღვერთან, სადაც დასახლებული პუნქტია. საქარველოს რეგიონული განვითარების მინისტრის ზურაბ ალავიძს განცხადებით, ამ ეტაპზე ხანძრის დასახლებულ პუნტქზე გადასვლის საშიშროება არ დგას: "გზის პირზე მობილიზებული ვართ, ორხიდიანი სახანძრო მანქანები და წყლის ავზებიანი მანქანები მზადყოფნაშია, ოდნავ რომ ჩამოიწევს ცეცხლი, ამ ცეცხლის კერების ჩაქრობა არ იქნება სირთულე".

მისივე თქმით, მაღლა მთაში ძლიერი ქარია და ამიტომ, ცეცხლი ხშირად იცვლის მიმართულებას: "ცეცხლის კერები გადადის სხვადასხვა ადგილას. ამ ეტაპზე მოსახლეობის ევაკუაცია საჭირო არ არის".

მინისტრის განცხადებით, ამ დროისათვის [22 აგვისტო, 15:30 სთ], ისევ რჩება ორი ძლიერი კერა – ყვიბისის მხარეს და წაღვერის მიმართულებით: "წაღვერის მხარეს მძიმე ტექნიკით ლოკალიზება შევძელით, თუმცა, ქარის გამო იქაც არ არის მარტივი მდგომარეობა".

რაც შეეხება ზოგადად სტიქიის ზონაში არსებულ ვითარებას, ძლიერი ქარის გამო ცეცხლის ლოკალიზება ჯერ ისევ რთულია.

[ლუბა გიორგაძე, ნინო ნარიმანიშვილი, ბორჯომი]