ახალციხეში საპარკინგე ადგილებს მონიშნავენ

ქუჩების დახაზვისა და ქუჩების მონიშვნის (გადასასვლელებისა და გაჩერებების) სამუშაოების შესყიდვაზე ახალციხის მერიამ ტენდერი მიმდინარე წლის 18 ივლისს გამოაცხადა. შესყიდვის სავარაუდო ღირებულება 54.988 ლარია.

როგორც სატენდერი დოკუმენტაციიდან ირკვევა, საპარკინგე ადგილები მოინიშნება:

* რუსთაველის ქუჩაზე, მაღაზია "დელფოსის" მიმდებარედ;
* ნათენაძის ქუჩაზე მდებარე 6–სართულიანის მიმდებარე ტერიტორიაზე;
* ცენტრალური პარკის მიმდებარე ტერიტორიაზე;
* რუსთაველის ქუჩაზე, სასაზღვრო ბინების მიმდებარე ტერიტორიაზე;
* რუსთაველის ქუჩაზე, მშენებარე ეკლესიის მიმდებარე ტერიტორიაზე;
* ასპინძისა და რუსთაველის ქუჩების გადაკვეთის მიმდებარე ტერიტორიაზე;
* იაძის ქუჩაზე;
* სულხან საბას ქუჩაზე;
* 9 აპრილის ქუჩაზე;
* კოსტავას ქუჩა N1–ში, ახალციხის მერიის მიმდებარე ტერიტორიაზე;
* ნათენაძის ქუჩაზე მდებარე სასტუმრო "ლომსიას" მიმებარე ტერიტორიაზე;

ტენდერში მონაწილეობის მსურველთა განაცხადების მიღება 3 აგვისტოდან იწყება და 8 აგვისტოს მთავრდება.

რას შეეხება საგარანტიო ვადებს, სატენდერო დოკუმენტაციის მიხედვით, შესრულებული სამუშაოს საგარანტიო ვადა უნდა შეადგენდეს:
ა) სავალი ნაწილის ჰორიზონტალური მონიშვნა ორ კომპონენტიანი წითელი და თეთრი ფერის სტრუქტურული ცივი პლასტიკით შუქდამაბრუნებელი მინის ბურთულაკებით – 3 წელს;

ბ)აკრილის საღებავით 6 თვეს ობიექტის საბოლოო მიღება-ჩაბარების აქტის გაფორმების დღიდან. რომლის განმავლობაშიც მიმწოდებელი ვალდებულია საკუთარი ხარჯებით უზრუნველყოს ექსპლოატაციის პროცესში წარმოქმნილი ხარვეზების აღმოფხვრა.

[sknews.ge]