რითი დაეხმარება გამგეობა კლდეში ხანძრის შედეგად დაზარალებულებს

ახალციხის მუნიციპალიტეტის გამგეობას დაზარალებულმა ნანული კურტანიძემ წერილობით უკვე მიმართა. იგი ფინანსურ დახმარებასთან ერთად ხე–მასალით უზრუნველყოფასაც ითხოვს.

„განცხადებას შესაბამისი კომისია უახლოეს დღეებში განიხილავს“, – აცხადებენ ახალციხის მუნიციპალიტეტის გამგეობაში.

მათი განმარტებით მაქსიმალური თანხა რაც შეიძლება გამგეობამ ხანძრით დაზარალებულისთვის გამოყოს 2 000 ლარია: „რაც შეეხება ხე–მასალაზე მოთხოვნას შუამდგომლობა გარემოს დაცვის სამინისტროში გაიგზავნება“.

შეგახსნებთ, რომ სოფელ კლდეში ნანული კურტანიძის სახლი 15 ივნისს ისე დაიწვა, რომ ვერაფრის გადარჩენა ვერ მოხერხდა. მომხდარზე ძიება სისხლის სამართლის კოდექსის 187–ე მუხლით დაიწყო, რაც სხვისი ნივთის დაზიანებას, ან განადგურებას გულისხმობს;

[თამუნა უჩიძე, ახალციხე]