სოციალური მომსახურების სააგენტოს მედიატური ახალციხეში

მედიატური, რომელიც სოციალური მომსახურების სააგენტოს ინიციატივით ახალციხეში სასტუმრო „ჯინო ველნესის“ საკონფერენციო დარბაზში მოიმდინარეობს გუშინ, 7 ივლისს დაიწყო და დღეს, 8 ივლისს დასრულდება.

სოციალური მომსახურების სააგენტოს დასაქმების პროგრამების დეპარტამენტის მუშაობისა და მიზნების შესახებ ინფორმაციას მედიის წარმომადგენლები, არასამთავრობო ორგანიზაციებისა და საჯარო და კერძო პროფსასწავლებლების წარმომადგენლები ისმენენ.

შეხვედრის დასაწყისში, დასაქმების დეპარტამენტის ხელმძღვანელმა მარიამ ბეზარაშვილმა მონაწილეებს, დეპარტამენტის მთავარ მიზნებზე, მის მნიშვნელობასა და დეპარტამენტში არსებულ სერვისებზე ესაუბრა.

ბეზარაშვილმა შეხვედრაზე მონაწილეებს, 2017 წლის დასაქმების ფორუმისა და დასაქმებუთა სტატისტიკაზე ინფორმაცია მიაწოდა.
მარიამ ბეზარაშვილის თქმით მიმდინარე წელს, დასაქმების ფორუმის შედეგად 1500–მდე ადამიანი დასაქმდა, მათგან 21 კი შეზღუდული შესაძლებლობების მქონე პირია.

„11 დასაქმების ფორუმიდან დასაქმდა 541 ადამიანი. თუმცა მათ გარდა, ჩვენი უშუალო შუამავლობით, ბოლო 6 თვის განმავლობაში 923 ადამიანი დასქმდა, მათ შორის 21 შეძღუდული შესაძლებლობების მქონე პირია“,- განაცხადა შეხვედრაზე, დასაქმების დეპარტამენტის ხელმძღვანელმა მარიამ ბეზარაშვილმა.

შეხვედრაზე, მთავრობის 1 ივნისის დადგენილებასაც შეეხნენ, რომლის მიხედვითაც ნებისმიერი სოციალურად დაუცველი ადამინი, რომელსაც არ აქვს ჯანმრთელობის პრობლემები და ასევე, არ არის საპენსიო ასაკის, ვალდებულია 30 დღის განმავლობაში დარეგისტრირდეს, მომსახურების სააგენტოს საინფორმაციო ვებგვერდზე worknet.gov.ge-ზე, საიდანაც ყოველდღიურ რეჟიმში ვაკანსიების შესახებ ინფორმაციას მიიღებს. დეპარტამენტის წარმომადგენლები ამბობენ, რომ იმ შემთხვევაში თუ 3 თვის განმავლობაში არც ერთ ვაკანსიას არ გამოეხმაურა, პიროვნების სოციალური ქულები გადაიხედება და შესაძლოა მოეხსნას.

დასაქმების პროგრამების დეპარტამენტი მსგავს შეხვედრებს წელიწადში რამდენჯერმე მართავს.

[მარიამ ბარძიმაძე, ახალციხე]