სამცხე-ჯავახეთში სოციალური სააგენტოდან 6 თანამშრომელი გაათავისუფლეს

მთავარი → სიახლე, საზოგადოება 19.02.2020

სოციალური მომსახურების სააგენტოში რეორგანიზაცია მიმდინარეობს. თებერვალში სამცხე–ჯავახეთის მასშტაბით სამსახური სააგენტოს ექვსმა თანამშრომელმა დატოვა.

სამცხე-ჯავახეთში სოციალური სააგენტოდან 6 თანამშრომელი გაათავისუფლეს

სამსახურიდან გათავისუფლდნენ სამცხე–ჯავახეთის სამმართველოს უფროსის მოადგილე, ორი დასაქმების სპეციალისტი (ახალციხეში) და სამი სოცმუშაკი (ორი ახალციხეში და ერთი ნინოწმინდაში).

სოციალური მომსახურების სააგენტოს სამცხე-ჯავახეთის სამმართველოს უფროსის, დავით გოგალაძის განმარტებით, სააგენტოს დასაქმებისა და ბავშვთა ზრუნვის სამსახური გამოეყო, რომელიც ტრეფიკინგის სამსახურთან გაერთიანდა. ახალ სამსახურში კი რამდენიმე თანამშრომელი აღარ აიყვანეს.

რეორგანიზაციის შესახებ თანამშრომლები წინასწარ გააფრთხილეს.

„არ მინდა რეორგანიზაციაზე საუბარი, არ ვაპირებ რამის გაპროტესტებას, თუ სააგენტო კონკურსს გამოაცხადებს მონაწილეობას მივიღებ“, - ამბობს ერთ-ერთი გათავისუფლებული სოცმუშაკი ახალციხის ფილიალიდან.

გოგალაძის თქმით, რეორგანიზაცია ჯერ არ დასრულებულა: „ის სააგენტო ჩვენ აღარ გვეკუთვნის, მაგრამ ამბობენ, რომ შესაძლოა კონკურსი გამოაცხადონ, ასე რომ ვისაც სამსახურის დატოვება მოუწია შეუძლიათ მონაწილეობა მიიღონ“.

[მარიამ ბარძიმაძე, ახალციხე]