მეუფე თეოდორე: მეჩეთის საკითხი საპატრიარქოსთან უნდა შეთანხმდეს

მეუფე თეოდორემ ახალციხის ციხის მშენებლობის საკითხების კომენტირებსგან თავი შეიკავა და განაცხადა, რომ ამ საკითხე მასზე კომპეტენტური პირები, საპატრიქრქოს ხელოვნებათმცოდნეები და რესტავარატორები ისაუბრებენ. მან მრგავლი მაგიდის მონაწილეებს მეჩეთის ისტორია შეახსენა.

მეუფეს თქმით, მეჩეთი 1752 წელს, მუსულმანმა ქართველმა, ახმედ ჯაყელმა ააშენა. მეჩეთი აშენდა ქართველებისთვის და ის არ ყოფილა თურქული კულტურის ძეგლი. გადმოცემის თანახმად, რომელიც არქეოლოგიურად დადასტურებული არ არის, მეჩეთი ქრისტიანული სამლოცველოს ადგილზე აშენდა: ”სამწუხაროდ არ არის ჩატარებული არქეოლოგიური სამუშოები სათანადოდ, რომელიც დაამტკიცებდა ამას. კარგი იქნება თუ როდესმე ეს იქნება, მაგრამ ჯერჯერობით შეუძლებელია”.

მისივე განმარტებით, 1829-30-იან წლებში, როდესაც რუსეთმა ახალციხე თურქებისგან გაათავისუფლეს, ციხეში რუსული გარნიზონი შევიდა და მეჩეთი ტაძრად გადაკეთდა: ”მას მიშენდა საკურთხეველი, ორი სადიაკვნო, გაკეთდა სამრეკლო და დაიწყო ფუნქციონირება იქ მართლმადიდებლურმა ტაძარმა. საკურთხეველში არის მართლმადიდებლური ტრაპეზი. როდესაც ინტერიერში შევდივართ ამ ნაგებობის, ეჭვი მეპარება რომელიმემ იფიქროს, რომ ჩვენ ვართ მეჩეთში”.

მეუფე თეოდორემ აღნიშნა, რომ მოჩუქურთმებული ქვების გამოტანაზე საპატრიარქოში საუბარი ადრეც გაიმართა. რა სახეს მიიღებს მეჩეთი და რა გამოფენა განთავსდება მასში, ამის გადაწყვეტა საპატრიარქოსთან შეთანხმების გარეშე დაუშვებელია: ”ჩვენ გვქონდა საუბარი და შესაძლებელია ვიფიქროთ ამ ქვების გატანაზე, მაგრამ, იქიდან გამომდინარე, რომ ეს არის ტაძარი, რა გამოფენა შეიძლება განთავსდეს ამ ტაძარში, უნდა იყოს შეთანხმებული საპატრიარქოსთან. იმიტომ, რომ ყველანაირი გამოფენის განთავსება ამ ტაძარში საპატრიარქოსთვის მიღებული არ იქნება”.

შეგახსენებთ, ამ წუთებში საქართველოს კულტურის სამინისტროში მიმდინარეობს მრგვალი მაგიდა, სადაც რაბათის კომპლექსზე მსჯელობენ.
[sknews.ge]