სოფელ წნისში ბენზინგასამართი სადგური დააყაჩაღეს

შემთხევა 27 ივნისს გამთენიისას, 05:45 საათზე მოხდა. ადგილობრივების თქმით, ბენზინგასამართ სადგურზე ამ დროს მხოლოდ ერთი ოპერატორი რ. გ. იმყოფებოდა. ორი ახალგაზრდა მამაკაცი აქ ტრაქტორით მივიდა. ერთ–ერთს ნიღაბი ეკეთა.

„თავს დაესხნენ ოპერატორს, დანა დაარტყეს ყელში და თავში. 2 500 ლარი გაიტაცეს და წავიდნენ. ამბობენ ორფოლოს მიმართულებით გაიქცა ერთ–ერთიო. პოლიციამ ვიდეო კამერები უკვე ამოიღო“, – გვიყვება ერთ–ერთი ადგილობრივი წნისში.

დაშავებული მამაკაცი „იმედის“ კლინიკაში შეიყვანეს. სამედიცინო დაწესებულებაში ამბობენ, რომ მისი მდგომარეობა მძიმე არაა: „თავში და ყელში მრავლობითი ჭრილობებით შემოიყვანეს. მისი ზოგადი მდგომარეობა დამაკმაყოფილებელია“.

შინაგან საქმეთა სამინისტრომ მომხდარზე ძიება სისხლის სამართლის კოდექსის 179–ე მუხლით დაიწყო, რაც ყაჩაღობას გულისხმობს. მათივე ინფორმაციით ორივე თავმდამსხმელის ვინაობა ცნობლია და ინტენსიური საგამოძიებო ღონისძიებები მიმდინარეობს.

[თამუნა უჩიძე, ახალციხე]