ახალციხის ციხეში ”ბოიარდის ციხესიმაგრის” ქართულ ვერსიას გადაიღებენ

”რაბათის ციხის საგანძური” კალიფსო თრეველისა და ინსენთივ-ტურის ერთობლივი პროექტია, რომელიც ახალციხის ციხის ადმინისტრაციის ხელშეწყობით ხორციელდება.

სატელევიზიო შოუს გადაღება ზედა და ქვედა ციხის ტერიტორიაზე იგეგმება. ციხის ქვედა ნაწილში შოუსთვის ოთხკუთხა აუზი იქნება გამოყენებული, ზედა ციხის ტერიტორიაზე კი კარიბჭეს თავზე არსებული კოშკი გასასვლელებით და მედრესე.

სატელევიზიო შოუ რვა თამაშს მოიცავს. ამიტომ, სპეციალურად ამ პროექტისთვის რვა ოთახი მომზადდება, სადაც მონაწილეები საკუთარ შესაძლებლობებს გამოცდიან. იმისათვის, რომ მონაწილეებმა თანხა მოიგონ, 8 გასღები უნდა მოიპოვონ და სიტყვა კოდი გამოიცნონ. ამის შემდეგ მათ 3 წუთი ექნებათ აუზში ჩამოცლილი 3 000 ლარის მონეტების ამოსაღებად.

[sknews.ge]