ახალციხის გამგეობა: ვალეში მხოლოდ ნათესები დაზიანდა

ახალციხის მუნიციპალიტეტის გამგეობაში აცხადებენ, რომ სტიქიური მოვლენების შედეგების მართვის ჯგუფმა ვალეში არსებული მდგომარეობა უკვე შეისწავლა. მათი ინფორმაციით ზარალი უმნიშვნელოა.

„წვრილი სეტყვა იყო. ზოგი ნაკვეთი დასეტყვილია, ზოგი არა. მოსახლეობას მივეცით რეკომენდაციები და წამოვედით“, – განაცხადა ახალციხის მუნიციპალიტეტის გარემოს დაცვისა და აგრარულ საკითხთა განყოფილების უფროსმა რამინ მარტინენკომ.

მისივე თქმით, რამდენიმე ნაკვეთი მეორე შეხტის დასახლებაში დაიტბორა: „ნაკვეთებში ძირითადად კარტოფილი და კომბოსტოს ნარგავების მცირე ნაწილია დაზიანებული. როგორც გავარკვიე მოსახლეობას ნაკვეთები დაზღვეული არ აქვს, თუმცა ამის შესახებ მათ ინფორმაცია ჰქონდათ“.

შეგახსენებთ, რომ ძლიერმა წვიმამ ვალეში ნათესები 20 ივნისს დატობრა, ადგილობრივების განცხადებით წვიმას თან სეტყვაც ერთვოდა.

[თინათინ ზაზაძე, ახალციხე]