ახალციხის კულტურის სახლში ქალთა დღესასწაულები აღნიშნეს

ღონისძიება ახალციხის გამგეობის ყოფილ შენობაში გაიმართა. კულტურის სახლში ამბობენ, რომ
დღესასწაულების აღსანიშნავად მოსწავლეები რამდენიმე თვე ემზადებოდნენ. პატარებმა ქართული ხალხური სიმღერები და ცეკვები შეასრულეს.

„გვინდა კულტურის სახლი თანდათან აღორძინების გზაზე დავაყენოთ. გვაქვს სურვილი, რომ მესხმა ბავშვებმა ისწავლონ ქართულ საკრავებზე დაკვრა, ქართული ხალხური ცეკვა და სიმღერა“,- ამბობს ააიპ კულტურის სახლის მენეჯერი მავრა ბახტურიძე.

კულტურის სახლში ამჟამად დოლის, სალამურის, ფანდურის, გიტარის, ცეკვისა და სიმღერის შემსწავლელი წრეებია გახსნილი. ასევე, არის ბასტი-ბუბუს წრეც. დაწესებულებაში 70-მდე აღსაზრდელი სწავლობს.

[თინათინ ზაზაძე, ახალციხე]